Li Agiriyê di qezaya trafîkê ya 2 kamyon û otobuseke rêwiyan li qelibîn û tê de 7 kesan jiyana xwe ji dest dabûn de hûrgiliyên qezayê derketin holê. Di qezaya zincîrê ya 3 wesayîtan de Emrah Solmaz û hevalê wî Eşref Tutak ê ku di qezaya ewil de ji bo alîkariya birayê xwe çûbûn, di encama qezaya ku otobusa rêwiyan li wan qelibî de jiyana xwe ji dest dan. Kurê mamê Emrah Solmaz Memduh Solmaz der barê qezayê de agahî da û got; "Wesayîta berê ya birayê Emrah e û qeza dike. Ji bo sererastkirina maşînê kepçeyek anîn. Di wê demê de dema dixwest maşîneyê rake, otobusa rêwiyan tê û qezayeke din rû dide. Eşref û Emrah li wê derê jiyana xwe ji dest didin. Wexta ku qezayê bihîstîne, çûne alîkariyê, lê otobusê ew perçiqandiye."