TURK-ÎŞ encamên anketa xwe ya sibata 2023an a sînorê birçîbûn û xizanîyê eşkere kir.

Li gor lêkolînê ji bo malbateke 4 kesî ya ku weke sînorê birçîbûnê tê dîyarkirin, ji bo xwarineke bi tendurist û têr be, lêçûna xwarinê ya mehane 9 hezar û 425 lîre ye. Tevahîya lêçûnên xurekê ku wek xeta xizanîyê tê pênasekirin û lêçûnên mehane yên mecbûrî yên ji bo cil, xanî (kirê, ceyran, av, sotemenî), hatinûçûn, perwerde, tenduristî û hewcedarîyên wekî wan, derket 30 hezar û 700 lîreyê. 'Lêçûna jîyanê' ya xebatkarekî mehê 12 hezar û 265 lîre hat hesabkirin.