Derket holê ku qeyûmê Şaredarîya Bajarê Amedê ji 1 milyon lire zêdetir îhaleya reklamê daye.

Li gor nûçeya Sûra Ajansê, hat dîyarkirin ku qeyûmê Şaredarîya Bajarê Mezin di navbera 27ê Nîsanê û 6ê Gulanê ya sala 2023an de ji bo îhaleya 750 stûnên reklamê yê li ser rê û profîla hesinî, milyonek 128 hezar lîre pere dane alî û dide nîşan ku bê çawa çavkanîyên gel ji bo xebatên hilbijartinê yên hukûmetê hatine xerckirin.

Li alîyê din alayên ku li stûnên rêyên navborî hatin daliqandin digel qedexeyên hilbijartinê jî nîşan da ku qanûn û hiqûq bi pêkanînên kêfî tune tên hesibandin.