Di heyama ku ji hilbijartinan re rojên hejmartî ma ye, xebatên hilbijartinan ên partîyan jî bi geş berdewam in.

Desteya Bilind a Hilbijartinan, heta niha hêjî lîsteya partîyên sîyasî yên ku dikarin bikevin hilbijartinan, ya ku her sal di meha Çile de eşkere dikir, eşkere nekirîye. Berdevkê Partîya Çep a Kesk Îbrahîm Akin dîyar kir ku tevî gelek serlêdanan jî veger li Partîya Çep a Kesk nebûye, û YSK'ê partîyan mijûl dike. Di raya giştî de li serê tê axavtin ku divê gelo wê HDP û Partîya Çep a Kesk wê bi hev re têkevin hilbijartinê. Akin derbarê vê mijarê de jî axivî.  Akin di derbarê mijarê de pirsên Artî Gerçek bersivand û got, ger HDP bi Partîya Çep a Kesk re bikevin hilbijartinê, ew ê berpirsyarîya xwe bi cih bînin û ew ê bi vê yekê jî şanaz bibin.