Malbatên nexweş û girtîyên ku înfaza wan hat şewitandin, di roja 266’an a çalakîya Nobeda Edaletê de li ber Girtîgeha Tîpa D a Amedê daxuyanî dan.

Li ser navê malbatan Herdem Mervanî axivî û dîyar kir ku divê qanûn li gor kesan re bi taybet neyê bikaranîn.Mervanî axaftina xwe wiha domand; “Em bang li Wezîrê Dadê dikin. Heta niha gelek qanûn hatine derxistin, gelek kes hatine berdan. Lê daxwazên me nayên bihîstin. Girtîyên nexweş divê demildest bên berdan, rewşa tenduristîya wan her ku diçe nebaş dibe.” Mervanî dîyar kir ku fatûreya ceyran û avê ji alîyê girtiyan ve tê dayîn û xwest ev rewş bi dawî bibe.