DÎSKÎ’yê duh daxuyandîbû ku ji bo navenda bajêr heta saet 18.00an wê qûtbûn hebe, lê dîsa jî li hin deveran av hatîyê qûtkirin.

Midûrîyeta Giştî ya Karên Av û Kanalîzasyonê ya Amedê (DÎSKÎ) duh di derbarê qûtkirina ava navenda bajêr de daxuyanîyeke nivîskî da. Di daxuyanîyê de hat hişyarkirin ku roja Înê, saet di navbera 10:00-18:00an de wê li navenda Amedê av bê qûtkirin. Lê belê hat hînbûn ku li hin taxên Rezan, Kaynartepe, Kayapinar û hin deverên Sûrê av hê tune ye. Welatî, li ser hesabên xwe yên medyaya civakî nerazîbûnên xwe anîn ziman. Li ser bertekan DÎSKÎ’yê daxuyanîyeke da û wiha hat gotin; “Xebata me ya ku bi şev saet di 01:00an de li ser lûleyên ya ava vexwarinê dide dest pê kirin, di saet 15:57an de bi dawî bû û me li xeta xwe dest bi anîna avê kir. Lê ji bo ku embarên me yên vala bigihêjin asta ku tê xwestin, wê dem bigre.”