HEJMARA MIRÎYÊN DI ÊRÎŞÊN ÎSRAÎLÊ DE JI 20 HEZARÊ DERBAS BÛ
Hejmara kesên di êrîşên Îsraîlê yên li ser Gazeyê de jîyana xwe ji dest dan 20 hezarê derbas kir. Li gor daneyên ku Wezareta Tenduristîyê ya li Gazeyê eşkere kir di êrîşên ku ji 7ê cotmehê vir va ji alîyê Îsraîlê ve hatin kirin de hejmara mirîyan derket 20 hezar û 57an û 53 hezar û 320 kes jî birîndar bûn.
Şeva borî hêzên Îsraîlî ji hewa û bejahîyê ve gelek cîhên sivîlan ku di nav wan de Kampa Penaberan a Cîbalya, bajarokên Refah û Xan Yûnis ên li Şerîda Gazayê bombebaran kirin.
Li gorê ajansa fermî ya Filistînê WAFA, di êrîşên li ser bajarê Xan Yûnisê de herî kêm 6 kes mirin û gelek kes jî birîndar bûn. Cenazeyan û birîndaran rakirin Nexweşxaneya Nasir a bajêr.
