Nobeda Edaletê ya ku ji alîyê Malbata Şenyaşar ve li ber Edlîyeya Rihayê hat destpêkirin di roja 611an de berdewam kir. Tevê hewaya sar jî malbat ji Pirsûsê hatin û nobeda xwe berdewam kirin. Ferît Şenyaşar wiha axivî; “Doza me ne pirsgirêka Tirk û Kurdan e. Doza me ne pirsgirêka partîyê ye. Doza me tenê mirovî ye. Her kesê ku mirov e, pêdivî ye ku ew xwedî derkeve." Şenyaşar, bal kişand ser îdîanameya ji bo êrîşa li nexweşxaneyê hat amadekirin jî û anî ziman ku di îdîanameyê de qeydên kamerayan tune ne. Şenyaşar dîyar kir ku dayîka wî tevê demsala zivistanê jî di berdewamîya nobedê de israr kirîye û wiha got; “Dayîk dibêje, ‘heta edalet pêk neyê û kurê min ê girtî neyê berdan ez ji vê dadgehê dernakevim’. Daxwazên me bi tevahî qanûnî ne. Em li benda edaletê ne. Heta edalet pêk neyê em ê vê edliyeyê terk nekin. Hemû mirovên birûmet vê daxwazê ​​hembêz kirine. AKP bêyî ku helwesta xwe ya zelal derbarê vê mijarê de eşkere bike nikare bikeve nava gelê Rihayê. Em dixwazin edalet tavilê pêk were."