Endamê Buroya Koçberî û Penaberan a Partîya Kedê (EMEP) Hîlmî Miynat, di derbarê nîqaşên heyî yên penaberan, polîtîkaya Tirkiyeyê ya penaberîyê û helwesta mûxalefetê de nirxandinan kir. Miynat, anî ziman ku divê mijara vegera penaberan tenê li ser daxwaza penaberan pêk were û divê şer bi temamî bi dawî bibe ku vegera wan çêbe. Miynat, dîyarkir ku çareserîyeke din jî vexwendina Neteweyên Yekbûyî ye ku di qadan de careke din bi berpirsyarîyê hildin li ser milên xwe. Miynat wiha got; "Heta ku welatên ku ji şerê Sûrîyeyê berpirsyar in, berpirsyarîya xwe parve nekin, pirsgirêka penaberan wê ji bo Tirkîyeyê bibe pirsgirêk."