Baroya Amedê, piştê ku Walîtîyê çalakîyên meşê yên di çarçoveya 25'ê Mijdarê de bên lidarxistin qedexe kir, bi daxwaza betalkirinê doz vekir.

Walîtîya Amedê çalakîyên "Roja Têkoşîna li Dijî Tundîya Li Ser Jinê ya Navneteweyî" qedexe kir. Baroya Amedê derbarê biryara Walîtîyê de li Serokatîya Dadgeha Îdarî ya Wezîfedar doza betalkirinê vekir.

Baroya Amedê li ser hesabê xwe yê medyaya civakî ya fermî li ser mijarê daxuyanîyek da û wiha got, “Baroya me, li dijî biryara qedexeya keyfî û nehiqûqî ya Walîtîya Amedê ya derbarê çalakîya meşê de ku di çarçoveya 25’ê Mijdarê ‘Roja Têkoşîna li Dijî Tundîya Li Ser Jinê ya Navneteweyî’ de di navbera saet 16:00-19:00'an de bê lidarxistin, li 1'emîn Dadgeha Îdarî ya Amedê ji bo betalkirinê serlêdan kir.”