Wezîrê Karên Navxweyî Suleyman Soylu ragihand ku kesê ku di teqîna Beyogluyê de bombe danîye, hatiye binçavkirin. Soylu piştî vekolînên xwe yên li Kolanê Îstîklalê, daxuyanî da çapemeniyê û wiha got: “Kesê bombe avêtiye Kolana Îstîklalê ji aliyê ekîbên me yên Midûriyeta Polîsan a Stenbolê ve hatiye binçavkirin.” Soylu diyar kir ku ji 81 kesên birîndar tedawîya 50 kesî bi dawî bûye û ji nexweşxaneyê hatine derxistin. Her wiha 5 birîndar hê jî di bin çavdêrîya giran de ne. Li alîyê din Qeymeqamê Beyoglûyê Mustafa Demîrellî û Şaredarê Beyoglûyê Haydar Alî Yildiz ji bo bîranîna kesên ku di teqînê de jîyana xwe ji dest dane, li devera bûyer lê qewimîye qerenfîl danîn.