Hevserokê Giştî yê Partîya Demokratîk a Gelan (HDP) Mîthat Sancar di civîna koma Meclisê ya partîya xwe de axivî û geşedanên di rojevê de nirxand.

Sancar, bal kişand ser komkujîya di 19’ê kanûnê de di bin navê “Operasyona Vegerandina li jîyanê” û Komkujîya Mereşê û kesên di van komkujîyan de hatine qetilkirin bi bîr anî.  Sancar derbarê bûyera şîmaq lêdana li Ferhat Encû de jî axivî û got, “Em di nava fermaneke xerab a rêxistinkirî de dijîn. Avakirina rejîma nû li ser bingeheke otorîter, bi tevgerên cuda berdewam dike. Em armanca van hemû êrîşan dizanin. Ev hikûmet bi polîtîkayên tundîyê û şer, alozî û nefretê hewl dide bijî. Êrîşkirina biryardarîya têkoşîna demokratîk a ku li pêşîya xwe astengîya herî mezin dibîne, bi awayekî herî xurt weke çareserî û rêya jîyanê dibîne.