Baroya Amedê bertek nîşanê "gotinên nefretê" yên di pêşnûme yên guherandina xala 41'emîn a Destûra Bingehîn de da û xwest ev pêşnûmeya navborî bê paşxistin.

Derbarê mijarê de Baroyê daxuyanîyek da û tê de wiha got, “Pêşnûmeya qanûna cudakar a ku di xala 24'an a Destûra Bingehîn a bi sernavê "Azadîya Ol û Wijdan" û xala 41'emîn a bi sernavê "Parastina Malbat û Mafên Zarokan" tên guhertin, li Meclîsê dewam dike. Di daxuyanîyê de ku bal kişand ser gotinên nefretê yên di pêşnûmeya guhertinê de wiha hat gotin: “Şîdeta li ser bingeha zayendî, cudakarî, axaftinên nefretê yên li hemberê kêmnetewan û bi taybetî jî LGBTIQ+ fikareke cidî ye. Di encamnameyê de; Pêşnûmeya guhertinê ya ku mafên bingehîn binpê dike, cudaxwaz e û nefretê dihewîne divê were paşxistin.”