Artêşa Iraqê ku ev mehek e li 5 malên malbatên Kurd ên Taxa Newroz a parêzgeha Kerkûkê ya Iraqê bi cîh bûye, dixwaze 117 malên din jî bên valakirin.

Artêşa Iraqê di 2yê Çileya 2024an de êrîşê Taxa Newroz a Kerkûkê kiribû û daxwaz kiribû ku demildest 122 malên Kurd werin valakirin. Encumentîya Parêzgeha Kerkûkê berê biryar dabû ku malbatên ku di dema rejîma Baas de li ser erdên Kurdan hatine çêkirin, di malên xwe de bimînin heta ku tezmînata wan bê dayîn.

Leşker bêyî ku daxwazên biryarê bi cîh bînin, bi talîmata hikûmeta Iraqê ketin nava taxê û dest danîn ser hin malan û şênîyên taxê jî li hemberê vê rewşê bertek nîşan dan. Malbatên ku hat xwestin malên bên valakirin, kon danîn ber malên xwe û nobeda edaletê ya ji bo malên xwe didomînin.