Biryara Lijneya Hilbijartinê ya Bilind (YSK) ku encamên Hilbijartina Serokomarîyê ya ku di 28ê gulanê da hatibû kirin tê de cîh digre, bi hejmara ku îro hat dubarekirin di Rojnameya Fermî de hat weşandin.

Di biryara YSKê de malhebûna Serokomar Erdogan û hevjîna wî Emîne Erdogan jî hebûn. Li gor vê yekê Erdogan di 4 hesabên bankeyê yên cuda de ku ji vana 2 Albaraka Turk, yek jî Banka Zîraatê ye, bi tevahî milyonek û 883 hezar lîre heye. Di lîsteya malhebûna Erdogan de tê xuyakirin ku ji Mistafa Erdogan 5 milyon û 390 hezar lire deyndar e. Li Kisiklîya Uskudarê ya Stenbolê, xwedîyê 2 hîseyê ku her yek bi 7 milyon 695 hezar lîreyî ye. Bihayê 2 hezar çarmetir erseya wîya li Guneysûyê jî wek 10 hezar lîre hatîye qeyd kirin.