Li Navçeya Cizîrê ya Şirnexê di navbera ekîbên ku girêdayê Belavkirina Ceyranê ya Dîcle A.Ş. DEDAŞ’ê û gel de rageşî çêbû.

Ekîbên DEDAŞ’ê xwestin li taxa Sûrê ya li navçeya Cizîrê ji bo sayacên ceyranê derxînin derve û bi makîneyên kar kolanan bikolin û pano cî bi cî bikin. Li ser bertek û îtîrazên hemwelatîyan di navbera şênî û polêsên ku bi ekîbên DEDAŞ’ê re hatibûn, rageşî çêbû. Di dema bûyeran de hat îdîakirin polês bi awayekî giran midaxele kirîye. Jinên li taxa Sûrê pêşî li wesayîtên bi zirx ên polêsan girtin û xwestin ku nehêlin ew karê xwe bikin. Şênîyên taxa Sûrê li dijî van bûyer û kiryarên DEDAŞ’ê re nerazîbûna xwe nîşan dan.