Li taxa Kaynartepeya navçeya Baglarê ya Amedê, xanîyên ku di çarçoveya veguherîna bajarî de hatine vala kirin û wek metrûk hatine hiştin, ji ber xeterêya ku dibe sebeb xelkê derdorê dixwazin bên xera kirin û gilî gazinan dikin.

Hemwelatîyên ku li kuçeya 290an ya Kaynartepeyê dijîn, dîyar dikin ku di xanî û avahîyan de qolon her ku diçe ziraf dibe û ji ber xetereya hilweşîn û xerabûnê bi fikarin. Niştecîyan gotin me gelek caran ji bo mijarê serî li meqamê têkildar yên wek walîtî û şaredarîyê dane lê belê rayedaran guh nedane vê pirsgirêka wan û ew dixwazin, berî bobelatek derkeve ji vê xetereyê re çareserîyekê bibînin.