Şaxa Amedê ya Sendîkaya Kedkaran a Yekbûyî (B.E.S), dîyar kir ku zêdekirina teqawîdan di bin daneyên enflasyonê de ye û Sazîya Îstatîstîkê ya Tirkîyeyê (TUÎK) û hukûmeta ku daneya enflasyonê ya rastîyê kêm nîşan didin protesto kirin.

Rêveberê Sendîkaya Kedkaran a Yekbûyî Vahap Gunay, di daxuyanîya li ber avahîya TUÎK'ê ya Amedê de axivî û wiha got, "Yên ku teqawidan layiqê zêdekirina ji sedî 25 dibînin û dibêjin 'Em ê teqawidan biparêzin, mixabin bi vê zema ku ji wan re rewa hatîye dîtin, bû sebeb ku enflasyon wek silindirê di ser teqawîdan re derbas bibe. Em sedeqeyê naxwazin, wê baca ku ji bo teqawîdbûnê bi salan ji me hatîye wergirtin dixwazin.”