Li Amedê "Serê Salê" wê di 13'ê Çile de bi gelek çalakîyan bê pîrozkirin. Ji bo 13'ê Çile ya ku li gor salnameya Rûmî ya li gor sala rojê ji alîyê Kurdan ve weke sersala nû tê qebûlkirin, xebat û amadekerîyan îsal zû dest pê kirin.

Komeleya Çand û Hunerê ya Dîcleyê ya Amedê û Rêxistina Îvayê (IV) wê ewil bi kincên rengîn bi gotina “Serê salê pîroz be” bimeşin û piştre jî li navçeya Kayapinarê li salona dawetê wê bername li dar bixin

Di bernameya ku wê êvarê demjimêr di 19:00an de bi sernavê "Em hene" dest pê bike û hunermend Hedîye, Azad Bedran, Kadîr Çat û dengbêjên Komeleya Çand û Hunerê ya Dîcleyê stranên û klamên ku amade kirine pêşkêş bikin.

Hevserokê Komeleya Çand û Hunerê ya Dîcleyê Celal Ekîn, li ser girîngîya serê salê di çanda kurdî de, rexne kir ku di salên dawî de ev mîrateya çandî kêm tê pîrozkirin.