Di meşa ku li Amedê di çarçoveya Hefteya Mafên Mirovan de bi beşdarîya 44 sazîyên sivîl ve hat lidarxistin de bal hat kişandin ser "Aştî bi mafên mirovan pêkan e.

" Di daxuyanîya çapemenîyê ya ku di dawîya meşa ku ji ber Mêvanxaneya herêma Ofîsê ya Amedê dest pê kir û heta Bîrdarîya Mafê Jîyanê ya li Parka Koşuyoluyê dewam kir, daxuyanîya hevpar a bi îmzeya 44 sazîyên bajêr hat xwendin.

Seroka Odeya Tabîban a Amedê Elîf Turan a ku daxuyanî xwend dîyar kir ku wan hefteya mafên mirovan bi binpêkirinên mafê jîyanê yên ji ber şer û pevçûnên li gelek deverên cîhanê pêk tên pêşwazî kirine û wiha got,“Careke din civaka navneteweyî ya ku armanca wê ya sereke ew e ku aştî û ewlekarîya cîhanê û civakan pêk bîne; wekê ku qanûnên mirovahî hewce dike, em bang li we dikin ku li dijî şer û pevçûnên ku dibin sedema mirin û wêrankirina sivîlan tevbigerin.”