Fûara Zêr û Cewer a Mezopotamyayê ya ku wê li Amedê bi tevê bergrên dîrokî, zêr û ceweran were lidarxistin ku ev jî fûara herî biha ye, li Pira Deh Çav bi pêşandaneke taybet a modayê dest pê dike.

7'emîn Fuara Zêr û Cewer a Mezopotamyayê ya ku îsal bi hevkarîya Odeya Zêrfiroş û Zêrîngeran a Amedê û Start Fuarcilik, wê di navbera 2-5'ê Mijdarê de bê lidarxistin.

Hat dîyarkirin ku fûara ku wê zêrên dîrokî yên 3 hezar salî yên ku ji Kela Zerzewanê hatine derxistin tê de cîh bigirin, wê bibe fûara herî biha ya ku li Tirkîyeyê tê lidarxistin.

Hat îdîakirin ku nirxê her bergek 10 milyon dolar e. Her wiha hat ragihandin ku wê ji bo fuarê tedbîrên ewlehîyê yên awarte bên girtin.