Şaredarîya Bajarê Mezin a Amedê, wê aşê ku tê texmînkirin 200 sal temenê wê heye, ji bo tûrîzma bajêr restore bike. Xebatên restorasyona aşê avê ya dîrokî ya navçeya Sûrê, di Mijdara 2021an de dest pê kiribû, tê xwestin ku di meha Tebaxê da biqede. Piştê restorasyonê wê bi ava ku ji Qerejdaxê ber bi Baxçeyên Hevselê ve diherike, aşê dîrokî bê xebitandin. Di aşê de wê genim bi rêbazên kevneşopî bê çêkirin û ard bê bidestxistin. Aşê ku bi bufe û qadên tesîsên civakî yên ku di çarçoveya projeya restorasyonê de bên çêkirin, wê xizmetê bide welatîyan.