Lîmak Holdînga ku li Amedê çêkirina nexweşxaneya bajêr rawestand, ji ber krîza aborî xwest ku bihayê îhaleyê bê zêdekirin. Çêkirina Nexweşxaneya Bajêr a Kayapinarê ku dihat plankirin, ji ber krîza aborî hat rawestandin. Li ser qadeke 493 donimî dest bi çêkirina Nexweşxaneya Bajêr a Kayapinarê hatîbû kirin û nexweşxane bi Mîlyarek 93 Mîlyon û 312 Hezar TL hatîbû îhalekirin. Xwedîye Lîmak Holdîng û Serokê Federasyona Futbolê ya Tirkîyeyê  (TFF) Nîhat Ozdemîr dîyarkirin ku, di navbera roja îhaleyê û dema derbasbûyî de, ji ber buhabûna enflasyonê û zêdebûna diwîzê divê îhaleyê ji nû ve bê sererastkirin lewma jî kar hatiye sistkirin. Hevserokê Sendîkaya Kedkarên Tendurîstî û Xizmeta Civakî (SES) ya Şaxê Amedê Şîyar Guldîken, dîyarkir ku nexweşxaneyên bajêr, ne ji bo xizmeta tenduristîyê, ji bo xizmeta rantê tên avakirin. Guldîken rawestandina înşaetê bi van gotinan nirxand: "Ev guherandina aborîyê qezenca wan kêm kir lewma wan bêtir pere dixwazin"