Komeleya Pedîatrî ya Rojhilat êrîşên Îsraîlê yên li ser Gazeyê şermezar kir.

Komeleya Pedîatrî ya Rojhilat bi daxuyanîyeke çapemenîyê êrîşên Îsraîlê yên li ser Gazeyê protesto kir û wiha got: "Em wek Komeleya Pedîatrî ya Rojhilat êrîşên dijmirovî yên Îsraîlê yên li ser Gazeyê ku bi rojan e didomin, bi tundî şermezar dikin.

Bi bombebarana nexweşxaneyên li Gazeyê bi hezaran kes ku piranîya wan zarok bûn hatin qetilkirin, bi rêya terorê sûcên li dijî mirovahîyê hatin kirin û qirkirineke eşkere hat kirin. Em bang li her kesê li ser rûyê erdê ku dilê wan nekevir e û mêjîyê wan negirtî ye dikin, li dijî vê wehşet, komkujî, teror û qirkirinê rabin ser pîyan.

Dîrok wê ji êrîşên û dagirkerîyên emperyalîzmê û yên ku destekê didin van û guh û çavên xwe ji xerabîyan re digire, hesab bipirse. Em careke din zilma ku li gelê Filistînê tê kirin û kujerên zarok û pitikan şermezar dikin û êşa wan ji dil parve dikin.”