Nîqaşên li ser "Pêşniyara Guherîna Destûra Bingehîn a Pergala Parlamentoyê ya Bihêz" a ku di 28'ê Mijdarê de ji aliyê Maseya Şeşalî ve hatibû ragihandin, berdewam dike.

Parêzerê Destûra Bingehîn Prof. Dr. Levent Koker pêşniyara Maseya Şeşalî nirxand û dîyar kir ku li şûna guhertina Destûra Bingehîn divê çi bê kirin. Koker her wiha beyan kir ku pêşnîyara "pergala bihêzkirina parlamentoyê" ji sîstema îro ya "serokdewletîya otorîter" çêtir e û ji pîvanên "serwerîya hiqûqê" re nêzîktir e û got, "Lê eger hûn bipirsin ka pêwîstîya me ev e yan na, mixabin bersiva min ev e ku ez dibêjim naxêr nabe." Koker destnîşan kir ku divê Tirkîyeyê weke civakeke siyasî ya demokratîk ji nû ve bê nûjenkirin.