Wezîrê Pîşesazî û Teknolojîyê Mehmet Fatîh Kacir li ser hesabê xwe yê medyaya civakî derbarê "Projeya Piştevanîya Piştê Erdhêjê ya ji bo Karsazîyên Mîkro, Piçûk û Navîn" ku bi hevkarîya KOSGEB û Ajansa Hevkarîya Navneteweyî ya Japonyayê (JICA) hat tetbîqkirin, parve kir.

Wezîr Kacîr di parvekirina xwe de wiha got: "Em 4 milyar lîre firsendeke nû ya fînansekirinê ya 36 mehan, 24 mehên ewil bê pere, 12 mehên mayî jî bê faîz û 3 teqsîtên wekhev pêşkeşê karsazên xwe dikin.

Di bernameya ku me di meha mijdarê da bi hevkarîya Bankaya Cîhanê da destpêkirin de me bi tevahî 12,8 milyar lîre piştgirî da 39 hezar û 680 KOBÎyên li herêma erdhêjê.

Weke ku soz hatibû dayîn em piştgirîya karsazên xwe yên ji ber erdhêjê zirar dîtine didomînin û ji bo vejandina aborîya herêmê gavan diavêjin.