Wezîrê Xezîne û Darayîyê Mehmet Şîmşek dîyar kir ku di nava 2 meh û nîvên dawî de bi milyaran dolar fînansman ji derve hatîye Tirkîyeyê.

Wezîr Şîmşek dîyar kir ku wan piştê gavên ber bi aborîyê ve di gihandina fînansmana derve de pirsgirêkên xwe derbas kirin û ragihand ku ji meha Hezîranê û vir ve bi tevahî ji 10 milyar dolaran zêdetir fînansmana ji derve hatîye dayîn.

Wezîr Şîmşek di daxuyanîya ku da de, derbarê enflasyon û îstiqrara bihayan de wiha got: “Ji bo îstîqrara bihayan, me hedefên realîst danî. Ji bo bidestxistina reqabetê, pêdivî ye ku gihîştina darayî di bin şert û mercên guncan de be. Heke em karibin bi domdarî enflasyonê bi yek reqeman kêm bikin, wê fînansmanên me bi lêçûnên maqûl bigihîjin çavkanîyên serdema 5-10 salan.”