Hat dîyarkirin ku projeyên ku Walîtîya Êlihê xwestîye li ser Çemê Êlihê çêbike, ava vexwarinê ya bajêr xistîye xetereyê.

Çavkanîyên avê û qada lehîyê, ji ber herêma pîşesazîyê ku ji alîyê Walîtîya Êlihê ve li hewza Çemê Êlihê tê plankirin were çêkirin, di bin xeterîyê de ye. Li gor nûçeya Gazete Dûvarê, Walîyê Êlihê Ekrem Canalp li gel avakirina OSB'yê ya li Êlihê, wî xwestîye projeyek bi heman rengê ya HES'ê ya ku dema Walîyê Edîrneyê bû li ser Çemê Merîçê çêkiribû, li ser çemê Êlihê jî ava bike. Endezyaran dîyar kirin projeyên ku Edîrneyê jê sûd wernegirtîye tê xwestin li Êlihê were ceribandin. Hawirdorparêzên Edîrneyê jî hişyarî dan gelê Êlihê. Hawirdorparêzên Edîrne û yên Êlihê bertek nîşanê vê rewşê dan û dîyar kirin ku tê xwestin çemê Êlihê bê tinekirin.