Wezareta Tenduristîyê ya Gazeyê ragihand ku hemû nexweşxaneyên li bakurê Gazeyê ji xizmetê derketine.
Berdevkê Wezaretê Eşref el-Qudra dîyar kir ku hemû nexweşxaneyên li bakurê Gazeyê ji xizmetê derketine û hêzên Îsraîlê navenda tenduristîyê ya Nura el-Kabî ku tekane navenda dîyalîzê ya li vê herêmê ye dorpêç kirîye.
El-Qudra derbarê nexweşxaneya Şîfa ya li rojavayê bajarê Gazeyê de jî dîyar kir ku hê 259 birîndar û gelek nasên wan ên li wan dinêrin li nexweşxaneyê ne û gelek koçber û personelên tenduristîyê jî hene.
El-Qudra dîyar kir ku nexweşxaneyên li başûrê Gazeyê ji ber vala kirina nexweşxaneyên Şîfa û Endonezyayê nikarin barê nexweşên giran rakin.
