Piştê hilbijartinên 14'ê Gulana 2023'yan, Desteya Rêveberiya Navendî ya Partiya Demokratîk a Gelan (HDP) û Koordînasyona Navendî ya Partiya Çepên Kesk di 16'ê gulanê de civîneke hevpar lidar xistin.

Di civînê de kar û encamên hilbijartinê hatin nirxandin û di dawiyê de jî daxuyaniyek hate dayîn. Di daxuyaniyê de hat gotin ku li gel zext, dek û dolaban jî gelekî girîng e ku Partiya Çepên Kesk li meclisê bûye hêza herî mezin a sêyemîn û wiha hat gotin, “Şert û merc çi dibin bila bibin em ê hîn bi xurtî xwe bi rêxistin bikin û ji bo serkeftineke hîn mezintir têkoşînê bidomînin.

” HDP û Partiya Çepên Kesk diyar kir ku wan di 14’ê Gulanê de faşîzm daye sekinandin, tura duyemîn a hilbijartina serokkomariyê destpêka firsendeke nû ye û wiha gotin: “Bêyî ku xwe reşbîn û bêhêvî bikin, em dikarin di nava 11 rojan de dawî li xerabiyê bînin.”