Îhaleya taxa Fabrîkayê (Îplîk) ku ji alîyê Şaredarîya Navçeya Yenîşehîrê ya Amedê hatibû ber firotinê, îro hat betalkirin.

Qeyûma Şaredarîya Yenîşehîrê taxa Fabrîkayê ku lê nêzî 400 xanî û mizgeftek heye, dabû ber firtotinê. Biryara îhaleyê, di 17’ê mijdarê ya 2021’an de bi biryara Şaredarîya Bajarê Mezin a Amedê ya ji bo ‘Taxa Dokûzçeltîkê Qada Pêşdeçûn û Veguherandina Bajar’ ve hatibû girtin. Odeya Avahîsazên Amedê ji bo betalkirina biryara îhaleyê serî li Dadgeha Îdarê ya 3’yemîn a Amedê dabû. Îhaleya ku li avahîya Şaredarîyê hat kirin tu kes beşdar nebû û li ser vê yekê hat hînbûn ku îhale betal bû. Hat dîyarkirin ku berîya îhalê komek mirov li ber şaredarîyê kom bûn û li ser biryara betalkirina îhalê, bê ku bûyerek çêbe ji ber şaredarîyê çûn.