Nûnerên sektorê, li ser pirsgirêk û pêşnîyarên çareserîyê yên di sektora şîr de daxuyanîyeke hevpar dan çapemenîyê.

Nûnerên Pîşesazîyê yên Yekîtîya Odeyên Çandinîyê yên Tirkîyeyê û Yekîtîya Navendî ya Hilberînerên Şîr ên Tirkîyeyê, dîyarkirin ku zêdebûna lêçûnên kelûpelan, hilberînerên şîr dixe rewşeke dijwar. Di daxuyanîyê de wiha hat gotin; "Hilberînerên me berîya ku bihayê şîrê ku ji hêla Konseya Şîr a Neteweyî (USK) ve hatîye pêşnîyar kirin werbigirin, neçar dimînin ku bi zêdebûna bihayê êmê re rû bi rû bimînin.”  Hilberîner dîyarkirin ku li ser bihayên mazot, elektrîk, karker, veguhestin û derman gelek zem hatîye çêkirin. Nûnerên sektorê daxwaz kirin ku divê bihayê şîrê xav bê zêdekirin an jî bihayê êmê bê daxistin, da ku parîteya şîrê xav/êm di nav heyamên ku ji hêla bihayê pêşnîyarê ya USK ve hatîye destnîşan kirin de bibe 1,5.