Bi destpêkirina serdema nû ya perwerdehîya 2022-2023’yan firotina alavên qirtasîyê jî dest pê kir û hat dîyar kirin ku ji bo zemên ku ji alavên qirtasîyê re hatin kirin malbat nikarin ji zarokên xwe re alavên dibistanê bistînin.

Hat destnîşankirin ku alavên bingehîn ên dibistanê li gor salên borî gelek bi zem tên firotin. Xwendevan û malbatên wan bertek nîşanê zemên ku li ser alavên qirtasîyê de ne dan û wiha gotin: “Em derbarê standina alavên qirtasîyê de gelek zehmetî dikşînin. Divê ji bo buhayên alavên qirtasîyeyan de sererastkirinek bê kirin.” Derheqê mijarê de esnafên qirtasîyê jî bertek nîşanê rewşê dan û wiha gotin: “Em ji ber giranbûna buhayên berheman nikarin kar bikin. Malbat ji bo danûstandina alavên dibistanê zehmetî dikşînin. Ji ber ku berhemên qirtasîyê ji derveyî welêt tên îthalkirin em nikarin berhemên xwe yên kêm jî temam bikin. Qeyrana aborîyê gihaşt vê astê ku her kes mexdûr e.”