Li Amedê bi boneya 21’ê Sibatê Roja Zimanê Dayîkê ya Cîhanê gelek partîyên sîyasî û sazîyên sivîl ji bo Kurdî meşek li dar xistin.

Bi wesîleya 21'ê Sibatê Roja Zimanê Dayîkê ya Cîhanê li gelek bajaran çalakî û bername hatin lidarxistin. Nûnerên partîyên sîyasî, sazîyên sivîl û welatîyên ku beşdarê çalakîya li Amedê bûn pankartên bi nivîsa "Zimanê me rûmeta me ye. Bê ziman jîyan nabe. Bijî Kurdî.

Zimanek azad, jîyanê azad. Bila Kurdî bibe zimanê fermî. Bila Kurdî bibe zimanê perwerdeyê" di meşê de vekirin. Welatîyên ku meşa xwe li Parka Koşuyoluyê temam kir, di daxuyanîya xwe ya çapemenîyê de bal kişand ser qedexeyên li ser zimanê Kurdî.