Hat dîyarkirin ku li Tirkîyeyê di hilbijartinên 14ê Gulanê de, wê zêdetirê 40 hezar girtîyên di hepsan de dengê xwe bikarbîne.

Di hilbijartinên serokomarî û parlamentoyê de, 64 milyon û 191 hezar û 285 hilbijêr wê di 195 hezar û 705 sindoqan de dengên xwe bidin.

Koordînatora Parêzvaniya Komeleya Civaka Sivîl a di Sîstema Înfaza Cezayê de (CÎSST) Berîvan Korkût, diyar kir ku li gor daneyên Midûriyeta Giştî ya Girtîgehan û Wezareta Edaletê ku di 1'ê adara 2023'yan de hat weşandin 349 hezar û 893 girtî û hikûmxwar hene ku ji wan 41 hezar û 614 kes girtî ne. Korkut, da zanîn ku girtiyên ku ji ber hincetên cuda yên weke taloqkirina înfazê yan jî berdana bi şert li derve ne, dikarin dengê xwe bidin û wiha got: "Niha hejmara ku em dikarin bidin ev e ku li girtîgehan 41 hezar û 614 girtî dikarin dengê xwe bidin."