Ji 26 partiyên ku lîsteya namzetên parlamenteriyê yên demkî pêşkêş kiribûn, ji wan 13 partî wê bi tena serê xwe, û 13 jî wê di bin navê tifaqan de bikevin hilbijartinê.

Lijneya Bilind a Hilbijartinê (YSK) diyar kir ku 36 partiyên siyasî dikarin beşdarê Hilbijartina Parlamenteriyê ya Serdema 28an a ku wê di 14ê Gulanê de bê lidarxistin bibin. Ji wan 26 partiyên siyasî do lîsteyên namzetên xwe yên demkî pêşkêşê YSKê kirin. Helwestên partî û tifaqên siyasî yên li ser pusulaya dengan a ku di hilbijartinan de tê bikaranîn jî bi pişkê hatin diyarkirin.