Rêxistina Mafên Mirovan a Îranê derbarê xwepêşandanên li Îranê daxuyanî da û êrîş û tundîyên rejîma Îranê şermezar kir.

Rêxistina Mafên Mirovan a Îranê bang li civakên navnetewî kir û daxwaza rawestandina çalakîyên rejîma Îranê ya li hemberê xwepêşandêran kir. Rêxistina Mafên Mirovan a Îranê di daxuyanîyê de wiha got: “Di xwepêşandanên li Îranê de heta niha ji alîyê hêzên ewlehîyê ya Îranê ve 83 kesan jîyana xwe ji dest da. Gelek xwepêşandêr û aktîvîstên civakî ya sivîl hatin binçavkirin û ev kiryarên rejîma Îranê bi tundî hêj berdewam e.”