Hejmara kesên ku şeva borî li bajarê Silêmaniyê yê Kurdistana Federe ji ber gazê di avahiyekê de teqîn pêk hat de jiyana xwe ji dest dane gihîşt 11 kesan û her wiha 12 kes jî birîndar bûn e. Ji do bi şev û pê ve li avahiyê bi qasî 10-11 saetan xebatên lêgerîn û xilaskirinê tên kirin. Şeva borî hat ragihandin ku termê hin kesên din, ji bin xirbeyê hatine derxistin. Şahidên bûyerê ragihandin ku teqîn di maleke sê qatî de rû daye û mal bi temamî hilweşiyaye. Waliyê Silêmaniyê Heval Ebubekîr der barê mijarê de daxuyanî da û diyar kir ku li bajêr şîn hat ragihandin. Waliyê Silêmaniyê jî sersaxî ji malbatên kesên jiyana xwe ji dest dane re xwest û ji birîndaran re jî şifa xwest û spasiya saziyên hikûmetê kir.