Dadgehê, ceza da rayedarên fîrmayên ku li ser înternetê dermanan difroşin.

Odeya Dermanfiroşan a Amedê, di Mijdara sala borî de derbarê kes û şîrketên ku li ser înternetê dermanan difroşin, li Serdozgerîya Komarê de serlêdana sûc kiribû.

Danişîna dozê ya ku di 21ê Hezîran a 2023an de li Dadgeha Cezayê ya Aslîyeyê hat dîtin û derbarê rayedarên şîrketên ku li ser înternetê dermanan difroşin biryara cezakirinê hat dayîn.

Di daxuyanîya nivîskî ya ku li ser navê Lijneya Rêveberîya Odeya Dermanfiroşan a Amedê hat dayîn de wiha hat gotin: “Dermanên ku li ser înternetê tên firotin nayên kontrolkirin. Tiştên ku ji bo naverokê hatine nivîsandin û naveroka derman hevdû nagrin.

Dermanên bê kontrol û jê re tê gotin dermanên xwezayî ye ne bi ewle ye.

Dermanên ku li dermanxaneyan tên firotin di bin kontrola Wezareta Tenduristîyê de ne û di Sîstema Şopandina Derman de hatine tomarkirin, lewma ne mimkûn e ku sexte bin û ne jî zirarê bidin mirov.

Dermanxane ji bo hilberên derman û tenduristîyê navnîşana yekane û pêbawer in."