Bi guhertina di Rêziknameya Karmendîyê ya Wezareta Parastina Neteweyî de kesên ku dev ji mafê xwe yê leşkerîya biberdêl berdin, wê nikaribin ji nû ve serlêdanê bikin.

Li gorî Rêziknameya Tevgerê ya ku di Rojnameya Fermî de hat weşandin û ket merîyetê, kesên ku mafê leşkerîya bi pere bi dest xistine, lê dev ji vê mafê xwe berdaye, wê nikaribin ji nû ve serlêdanê bikin. Kesên ji hemwelatîbûnê derketibin an jî hatibe derketin, ger vegere Tirkîyeyê wê mafê leşkerîya biberdêl ji wan re neyê dayîn. Kesên ku firar in, veşartî an jî wekî din, wê tenê karibin li şaxên leşkerî serî lê bidin. Kesên ku ne di vê rewşê de bin, wê karibin ji bo serlêdanê hem e-dewlet û hem jî şaxên leşkerî bikar bînin.