Di heyama ku nîqaşên divê gelo kîyê bibe namzetê serokomarîyê yê muxalefetê dewam dike, Hevserokê Giştî yê HDP'ê yê berê Selahattîn Demîrtaş ê li Girtîgeha Edîrneyê girtî ye jî got, "Di vê dema krîtîk de bi çavê parvekirina meqam û mewkî lê mêze kirin tê wateya windakirina fersendeke dîrokî"

Demîrtaş, li ser hesabê xwe yê medyaya civakî xîtabî muxalefetê kir û got; "Em diçin hilbijartinan da ku ji alîyê stratejîk ve li cîhanê 'meqamê' ku herî zêde xwedî hêz e. Divê armanca me hemûyan ev be ku em vê meqamê radestî xwedîyê wê yê rastîn ango gel bikin. Nîqaşa li ser navan tê wateya dûrketina ji armanca ku min dîyar kirîye.”