Lîjneya Rêveberîya Navendî ya Partîya Herêmên Demokratîk (DBP) di derbarê rakirina parêzbendîya Hevseroka xwe Salîhe Aydenîz de, li Komîteya Amadekar a Meclîsê daxuyanîyek da çapemenîyê.

Hevseroka Giştî ya DBP'ê Gulşen Sîncar, daxuyanîya çapemeniyê xwend û bi bîr xist ku ji hezar û 600 fezlekeyên ku li Meclîsê hatine şandin, 1300 jê ji bo wekîlên HDP'ê hatine amadekirin. Sîncar, anî ziman ku Aydenîz li dijî raporên di 5’ê Tîrmehê de hatine amadekirin parastinek kiriye û wiha berdewam kir; "Tevî ku di nava Komîsyona Çareserîyê ya ku tevlî bû de, parastina xwe bi belge û vîdyoyên cuda nîşan da jî, komîsyon biryara rakirina parêzbendîyê da."