Dîroka kongreya awarte ya rêveberîya bajarê Amedê ya CHP’ê dîyar bû. Şandeya Bangê ya ku wek qeyûm li Serokatîya Bajêra Amedê ya CHP’ê hat wezîfedarkirin, roja lidarxistina kongreya awarte eşkere kir.

Di daxuyanîya Şandeya Bangê de; “Em ji alîyê 9’emîn Dadgeha Cezayê Sulhê ya Anqereyê ve wek qeyûm tayînê Serokatîya Bajêra Amedê ya CHP’ê hatin kirin. 29ê Tebaxê roja Duşemê saet di 10:00 de wê li tesîsên Salona Demîrok a li Kolana Îstasyonê bê lidarxistin. Eger piranîya dengan pêk neyê, biryar hatîye girtin ku di heman rojê de, di heman rojev û li heman navnîşanê saet 14:00’an de bêyî ku piranîya dengan bê xwestin, bi beşdarîya heyî kongreya awarte bê lidarxistin.”