Cotkarên Baxçeyên Hevselê, dîyarkirin ku ji ber krîza aborî bandor li wan kirîye, nikarin hilberînê bikin.

Baxçeyên Hevselê ku di Lîsteya Mîrateya Çandî ya Cîhanê ya Rêxistina Perwerde, Zanist û Çandê ya Neteweyên Yekbûyî (UNESCO) de cih digire û bi çandinîya xwe ya 8 hezar salan berdewam dike li cîhanê tê naskirin, ji alîyê aborî ve ev jî rastê zehmetîyên aborî hat. Azîz Sezgîn ê li Baxçeyên Hevselê bi çandinîyê re mijûl dibe, dîyarkir ku lêçûnên kelûpelên çandinîyê zêde bûne û destnîşan kir ku cotkar di bin şert û mercên Tirkîyeyê de êdî nikarin zêdetir vî karî bikin. Li alîyê din Cotkar Mûrat Bîlbay, bi bîr xist ku karkerên çandinîyê yên li Tirkîyeyê bê ewlekarî dixebitin û dîyarkir ku divê pergal bi lezgînî ji bo vê rewşê çareserîyê bibîne. Cotkaran dîyarkirin ku ji ber bihabûna gubre û mazotê ku ji sedî 100 derbas bûye, ew pir zerar dîtine û ger piştgirî neyê dayîn, wê gelek kriz bi taybetî jî krîza xwarinê girantir bibe.