Kesek li Goristana Derîyê Mêrdîn bi hestîyên ku ji gorê derxist tinazê dikir, rastê bertek û nerazîbûnan hat. Ji ber ku cîh di goristanê nema ye, malbatekê xwest ku di gorên xizmên xwe yên berê mirine de hestîyên wan bên berhev kirin û di heman gorê de mirîyê nû bên defin kirin. 

Kesê ku di gorê de hestî berhev dikir, ji ber ku bi hestîyan tinazê xwe dikir, piştê dîmenên wî li ser medya civakî belav bû, ji gelek alîyan ve bertek nerazîbûn hatin nîşandan.

Miftîyê Bajarê Amedê Lutfu Îmamoglû di daxuyanîya xwe ya nivîskî ya derbarê mijarê de dîyar kir ku, ger hewce bike ji yekê zêdetir cenaze di gorekê de dikarin bên definkirin û wiha got: “Di şert û mercên asayî de tenê cenazeyek dikare di gorê de were veşartin. Lê di rewşeke pêwîst de ji yekî zêdetir cenaze dikarin bên definkirin.

Mixabin xemsarîya wezîfedar di dîmenan de tevgerek ne xweş e. Divê pêwîst e ji wan hestîyên rizyayî ders hatiba derxistin. Mirov hem sax û hem jî mirî rewayê rêzgirtinê ye. Divê li gor vê rêz û hurmetê meriv tevbigere.”