Berfa ku di mehên zivistanê de têra xwe nedibarîya, li Amedê di mehên biharê de dest bi barînê kir.

Barîna berfê ku îro danê sibê derdora demjimêr 09:45an dest pê kir, di saetên pêş de zêde û gurr berdewam kir. Li gor daneyên rojane yên Navenda Texmînên hewayê ya Herêma 15emîn a Meteorolojîyê ya Amedê, tê texmînkirin ku li navenda Amed û navçeyên wê, Mêrdîn, Êlih, Sêrt û Şirnexê berf bibare. Tê texmînkirin ku li navenda Amedê wê şilope bibare, li hin navçe û cihên bilind jî barîna berfê wê bidome. Li hember neyînîyên wek qeşa û cemedê ya di rêyan de divê hemwelatî baldar û miqatebin.