Baroya Amedê derbarê binçavkirinan de daxuyanîyeke nivîskî weşand.

Di daxuyanîyê de wiha tê gotin, “Di çarçoveya lêpirsîna Serdozgerîya Komarê ya Amedê de û biryara lêgerîn û binçavkirinê ya 3’yemîn Dadgerîya Cezayên Sulhê ya Amedê, îro di danê sibehê avêtin ser malên endamên buroya me, rojnameger û parastvanên mafên mirovan jî di nav de binçavkirin û girtin çêbûne. Bi awayekê kêfî nêzî mafên bingehîn û azadîyan dibin, di serî de parêzer, parastvanên mafan û rêxistinên pîşeyî, rêxistinên civakên sivîl hedef tên girtin û rastê gefên cezakirinê tên. Tê dîtin ku tevdîrên parastinê yên weke girtin û binçavkirinê li dijî parastvanên mafan bi awayekî pir bêwate, nebikêr, bêperwa û xerab tê bikaranîn. Her wiha biryara qedexeya hevdîtina bi parêzeran re hatîye dayîn û ji bo dosyayê jî biryara nepenîyê hatîye dayîn. Divê derbarê sedema binçavkirinan, di zûtirin demê de bê eşkerekirin. Divê tavilê dawî li van sepanên derqanûnî ku mafên azadî û ewlehîyê binpê dikin ên li dijî hempîşeyên me, rojnameger û parastvanên mafên mirovan bînin û wan serbest berdin.”